மணவாழ்க்கை.. துணையாள் சொல்படி நட!

Su.tha Arivalagan

Sep 15, 2026,10:37 AM IST

- சசிகலா விஸ்வநாதன்

எந்நாளும் அன்னை சொல் கேள்;

துணையாள் சொல்படி நட.

நாளும் தடை பல வந்திடினும்;

தார வழியே தேர்.

மனவி மணம் கோணாது இருக்க;

மணவாழ்க்கை மணம் பெறும்.

சிறியதில் நலமாய் விட்டுக் கொடுக்க;

பெரியதில் வெற்றி காண்.

அயலார் முன் நங்கையை ஏற்றிவைக்க;

வாய்க்கும் வீட்டில் நிம்மதி.

அரசு வேலை அமைந்தவள் வாய்க்க;

புதுமனை புகுதல் எளிது

தன் தாயிடத்தில் கருத்து உள்ளவன்;

தன் நங்கைக்கும் நல்லவனாவான்

மனைவியிடத்தில் குரல் உயர்த்தி பேசாதவனுக்கே;

இனிமையான வாழ்வு அமையும்

அடுப்படியில் மனைவிக்கு ஆற்றும் உதவி;

தடுக்கும் பல ஊடல்களை.

அவளுடன் சேர்ந்து உணவருந்த, தீருமே;

அன்றைய மனவாட்டம் அப்போதே!

(சசிகலா விஸ்வநாதன் - தடய அறிவியல் துறையில் உதவி இயக்குநராக பணி நிறைவில் இருக்கும் முதியவள். அதிகம் அறியப்படாத நான்; இரண்டு வருடங்களாக ஓய்வு நேரத்தில் கவிதைகளும் சிறுகதைகளும் எழுதிக்கொண்டு இருக்கிறேன். எனது கதைகளும், கவிதைகளும் ,தமிழ் நெஞ்சம்; வானமே எல்லை; கொலுசு;மலர் வனம்; சக்தி பெண்ணிதழ்; ஆகியவற்றில் வெளியாகின்றன. புஸ்தகா நிறுவனம் மூலம் இது வரை நான்கு கதை தொகுப்புகளை வெளியிட்டுள்ளேன்)