பிப்.25ம் தேதி முதல்வர் மு.க.ஸ்டாலின் தலைமையில்.. தமிழ்நாடு அமைச்சரவை கூட்டம்

Feb 19, 2025,06:26 PM IST

சென்னை: முதலமைச்சர் மு.க.ஸ்டாலின் தலைமையில் வருகிற 25ம் தேதி கூடுகிறது தமிழக அமைச்சரவை கூட்டம்.

வருகிற 25ம் தேதி முதல் அமைச்சர் மு.க.ஸ்டாலின் தலைமையில் தமிழக அமைச்சரவைக் கூட்டம் நடைபெற உள்ளது. இந்த கூட்டம் சென்னை தலைமைச் செயலகத்தில் மதியம் 12 மணிக்கு நடைபெற உள்ளது. இந்த கூட்டத்தில் துணை முதல்வர், அமைச்சர்கள் பங்கேற்க உள்ளனர்.

2025-26ம் நிதியாண்டுக்கான பட்ஜெட் தாக்கல் செய்யப்பட உள்ள நிலையில், அதுதொடர்பாக விவாதிக்கப்பட உள்ளது. மேலும், தமிழகத்தில் புதிதாக தொடங்கப்படவுள்ள திட்டங்கள், விரிவாக்கம் செய்யப்பட உள்ள தொழில்களுக்கும் அமைச்சரவை கூட்டத்தில் ஒப்புதல் வழங்கப்படலாம் என்று தகவல் வெளியாகியுள்ளது.

மார்ச் 14ம் தேதி பட்ஜெட் தாக்கல் செய்யப்பட உள்ள நிலையில், பிப்ரவரி 25ம் தேதி அமைச்சரவை கூட்டம் நடைபெறும் என அறிவிக்கப்பட்டுள்ளது. அடுத்த ஆண்டு சட்டசபை பொதுத்தேர்தல் நடைபெற உள்ளதால், பட்ஜெட்டில் மக்களை கவரும் வகையில், முக்கிய அறிவிப்புகள் இடம் பெறும் என எதிர்பார்க்கப்படுகிறது.