வால்பாறைக்கு போயிருப்பீங்க.. இந்த "Whale பாறை"க்கு போயிருக்கீங்களா?

Apr 07, 2023,11:12 AM IST

பாங்காக்: நம்ம ஊர் வால்பாறைக்கு நிறையப் பேர் போயிருப்போம்.. ஆனால் தாய்லாந்தில் உள்ள "Whale பாறை" பற்றி தெரியுமா.. ரொம்ப சுவாரஸ்யமான சுற்றுலாத்தலம் அது.

தாய்லாந்தின் Hin Sam Wan எனப்படும் மூன்று திமிங்கலம் பாறை என்பது மிகப் பிரபலமான சுற்றுலாத்தலம். பெயருக்கேற்ப அடர்ந்த காட்டுக்குள் மூன்று திமிங்கலங்கள் வந்தால் எப்படி இருக்குமோ, அதேபோலத்தான் இந்த பிரமாண்டமான நீளமான பாறைகளும் காட்சி தருகின்றன. இதனால்தான் இவற்றுக்கு திமிங்கலப் பாறை என்று பெயர் வந்தது.

75 மில்லியன் ஆண்டுகளுக்கு முன்பு உருவான பாறைகள் இவை. இந்த பாறைகளின் உச்சி வரை போகலாம். அதற்கேற்ப பாதைகளை உருவாக்கி வைத்துள்ளனர். பார்க்கவே பிரமிப்பைக் கொடுக்கக் கூடிய இந்த பாறை மீது ஏறிப் பார்க்கும்போது இன்னும் பிரமாண்டமாக இயற்கையைப் பார்த்து ரசிக்கலாம்.

இந்த மலை மீதி ஏறிப் பார்த்தால் மேகாங் கடற்கரை அழகாக காட்சி தரும். அதேபோல லாவோ நாட்டின் பக்காங் மாவட்டத்தின் மலைகளையும் இங்கிருந்து பார்க்க முடியும். ஒரு நாள் முழுவதும்இந்த மலை மீது செலவழித்து இயற்கையை ரசித்து மகிழலாம். இந்த மலைகளின் உச்சியை அடைய 9 விதமான வழிகள் உள்ளன. வழியெங்கும் நீர்வீழ்ச்சிகளையும் பார்க்க முடியும்.

முழுக்க முழுக்க அமைதியும், எழில் கொஞ்சும் இயற்கையும் மட்டுமே இந்த மலைப் பகுதியில் உள்ளதால் மனதை மிகவும் ரம்மியமாக மாற்றும் தன்மை இவற்றுக்கு அதிகம். தாய்லாந்து போவோர் நிச்சயம் இந்த திமிங்கலப் பாறைக்கும் ஒரு விசிட் அடிப்பது வழக்கம். ஏராளமான சுற்றுலாப் பயணிகள் இந்த மலை மீது அமர்ந்து சூரிய உதயத்தையும், சூரிய அஸ்தமனத்தையும் பார்த்து ரசிப்பதும் வழக்கமாகும்.

சமீபத்திய செய்திகள்

முதல்வரின் கோரிக்கை மனு... தமிழ்நாடு வரும் பிரதமர் மோடியிடம் வழங்கப் போவது யார் தெரியுமா?

தமிழ்நாட்டுக்கு வரும் பிரதமர் நரேந்திர மோடியைச் சந்திக்க எடப்பாடி பழனிச்சாமி திட்டம்!

நான் வெற்றி பெற்றவன்.. இமயம் தொட்டு விட்டவன்.. பகையை முட்டி விட்டவன்.. கமலுக்கு வைரமுத்து வாழ்த்து!

திமுக ஆட்சியின் போலீசுக்கே பாதுகாப்பு இல்லை... சட்டம் ஒழுங்கு சீர்கெட்டுள்ளது: எடப்பாடி பழனிச்சாமி

கோவை, நீலகிரிக்கு இன்று ஆரஞ்ச் அலர்ட் - வானிலை ஆய்வு மையம் தகவல்!

வைகோவால் மனஉளைச்சல்.. ஆகஸ்ட் 2ம் தேதி உண்ணாவிரதம்.. அறிவித்தார் மல்லை சத்யா

கார்கில் வெற்றி தினம்.. தியாகிகளின் நினைவிடத்தில் குடும்பத்தினர், பொதுமக்கள் வீர அஞ்சலி

தாய்லாந்து-கம்போடியா எல்லை மோதல்.. கவனமாக இருக்குமாறு இந்தியர்களுக்கு அறிவுரை

நடிப்பு சலித்துவிட்டால்.... பார்ஸிலோனாவில் ஊபர் டிரைவராகிவிடுவேன்: மனம் திறந்த நடிகர் பகத் பாசில்

வால்பாறைக்கு போயிருப்பீங்க.. இந்த "Whale பாறை"க்கு போயிருக்கீங்களா?

Comments

சமீபத்திய செய்திகள்

அதிகம் பார்க்கும் செய்திகள்