மும்பை : ஆஸ்திரேலியாவில் அக்டோபர் இறுதியில் சர்வதேச ஒருநாள் கிரிக்கெட் தொடர் நடக்கவுள்ளது. சாம்பியன்ஸ் டிராபி 2025க்கு பிறகு விராட் கோலி மற்றும் ரோகித் சர்மா இருவரும் இந்த தொடரில் விளையாட உள்ளனர். போட்டிகள் தொடங்குவதற்கு முன், வீரர்களுக்கு உடற்தகுதி தேர்வுகள் நடத்தப்பட்டன. மற்ற வீரர்கள் பெங்களூரில் உடல் தகுதி தேர்வு நடத்தப்பட்ட நிலையில், விராட் கோலி மட்டும் லண்டனில் உடல் தகுதி தேர்வு நடத்த கேட்டிருந்தார். அதற்கு தற்போது அனமதி அளிக்கப்பட்டுள்ளது. மொத்தம் 29 வீரர்கள் உடற்தகுதி தேர்வில் தேர்ச்சி பெற்றனர்.

இந்திய கிரிக்கெட் அணிக்கு முக்கியமான அறிவிப்பு வந்துள்ளது. ஆசிய கோப்பை 2025 போட்டிகள் செப்டம்பர் மாதம் தொடங்குகிறது. இதைத் தொடர்ந்து பல போட்டிகள் நடக்க உள்ளன. அக்டோபர் மாத இறுதியில் ஆஸ்திரேலியாவில் ஒரு நாள் சர்வதேச போட்டி தொடர் நடைபெற உள்ளது. இந்த தொடர் மிகவும் முக்கியமானது. ஏனென்றால், விராட் கோலி மற்றும் ரோகித் சர்மா இருவரும் அணிக்கு திரும்புகிறார்கள். சாம்பியன்ஸ் டிராபி 2025 போட்டிக்கு பிறகு இருவரும் விளையாடவில்லை.

போட்டிகள் தொடங்குவதற்கு முன்பு, வீரர்களுக்கு உடற்தகுதி தேர்வுகள் நடத்தப்படுவது வழக்கம். இந்திய கிரிக்கெட்டில் இது ஒரு முக்கியமான நடைமுறை. ஆனால், விராட் கோலிக்கு மட்டும் ஒரு சிறப்பு ஏற்பாடு செய்யப்பட்டிருந்தது. "விராட் கோலி தனது உடற்தகுதி தேர்வை லண்டனில் நடத்த அனுமதி கேட்டிருந்தார். அவர் தனது குடும்பத்துடன் அங்கு தங்கியுள்ளார்" என்று செய்திகள் வெளி வந்துள்ளன. பிசிசிஐ (இந்திய கிரிக்கெட் கட்டுப்பாட்டு வாரியம்) அவரது தேர்வை அங்கு நடத்தியது. அவர் தேர்வில் தேர்ச்சி பெற்றார். இந்தியாவில் இல்லாமல் வெளிநாட்டில் தேர்வு எழுதிய ஒரே இந்திய வீரர் விராட் கோலி தான்.

ரோகித் சர்மா மற்றும் ஜஸ்பிரித் பும்ரா உட்பட மற்ற வீரர்கள் அனைவரும் பெங்களூரில் உள்ள பிசிசிஐ பயிற்சி மையத்தில் உடற்தகுதி தேர்வுகளை எழுதினர். இது குறித்து பிசிசிஐ அதிகாரி கூறுகையில், "விராட் கோலி வெளிநாட்டில் தேர்வு எழுதுவதற்கு முன் அனுமதி வாங்கி உள்ளார்" என்றார்.

ரோகித் சர்மா, முகமது சிராஜ், சுப்மன் கில், ஜிதேஷ் சர்மா, பிரசித் கிருஷ்ணா, ருதுராஜ் கெய்க்வாட், அபினவ் மனோகர், ரிங்கு சிங், ஆவேஷ் கான், அக்சர் படேல், சூர்யகுமார் யாதவ், ரவி பிஷ்னோய், சஞ்சு சாம்சன், சிவம் துபே, முகமது ஷமி, வருண் சக்கரவர்த்தி, முகேஷ் குமார், ஹர்திக் பாண்டியா, சர்பராஸ் கான், திலக் வர்மா, உம்ரான் மாலிக், அர்ஷ்தீப் சிங், குல்தீப் யாதவ், துருவ் ஜூரல், ஷர்துல் தாக்கூர், வாஷிங்டன் சுந்தர் மற்றும் யஷஸ்வி ஜெய்ஸ்வால் ஆகியோர் இந்த தேர்வில் கலந்து கொண்டு தேர்ச்சி பெற்றதாக கூறப்படுகிறது.