வண்டலூர் Zoo-வில் 2 சிங்கம், புலியை தத்தெடுத்த சிவகார்த்திகேயன்

Apr 19, 2025,03:35 PM IST

நடிகர் சிவகார்த்திகேயன் ஒரு சூப்பரான வேலையைச் செய்துள்ளார். வண்டலூர் அறிஞர் அண்ணா உயிரியல் பூங்காவில ஒரு சிங்கத்தையும், புலியையும் அவர் 3 மாத காலத்திற்குத் தத்தெடுத்துள்ளார்.

1 / 7
Share

Image Courtesy: Arignar Anna Zoological Park, Vandalur

சென்னைக்கு அருகே வண்டலூரில் உள்ளதுதான் இந்த உயிரியல் பூங்கா. 1855ம் ஆண்டு இது தொடங்கப்பட்டது. இந்தியாவின் மிகவும் பழமையான மற்றும் பெரிய உயிரியல் பூங்காக்களில் இதுவும் ஒன்றாகும். பரந்து விரிந்து காணப்படும் வண்டலூர் உயிரியல் பூங்காவில் 2500க்கும் மேற்பட்ட விலங்குகள் உள்ளன.

2 / 7
Share

Image Courtesy: Arignar Anna Zoological Park, Vandalur

182 வகையான உயிரினங்களை இங்கு கண்டு ரசிக்க முடியும். 602 ஏக்கர் பரப்பளவில் வண்டலூர் உயிரியல் பூங்கா அமைந்துள்ளது. நாட்டின் சிறந்த உயிரியல் பூங்காவாகவும் இது பெயர் பெற்றுள்ளது என்பது குறிப்பிடத்தக்கது.

3 / 7
Share

Image Courtesy: Arignar Anna Zoological Park, Vandalur

அறிவியல் பூர்வமாகவும், நவீன முறையிலும் இந்த பூங்கா பராமரிக்கப்பட்டு வருகிறது. இந்த பூங்காவில் பார்வையாளர்களைக் கவரும் வகையில் பல அம்சங்கள் இடம் பெற்றுள்ளன.

4 / 7
Share

Image Courtesy: Arignar Anna Zoological Park

சிங்கம் மற்றும் மான் சபாரி பூங்காக்கள் இங்கு முக்கிய அம்சமாகும். அதேபோல வன மியூசியம், மீன் வளக் கண்காட்சியகம், வண்ணத்துப் பூச்சி பூங்கா, சிறார் பூங்கா உள்ளிட்டவையும் இங்கு சிறப்பாக அமைக்கப்பட்டுள்ளன.

5 / 7
Share

Image Courtesy: Arignar Anna Zoological Park

செவ்வாய்க்கிழமை மட்டும் பூங்காவுக்கு விடுமுறையாகும். மற்ற 6 நாட்களும் உயிரியல் பூங்கா செயல்படும். காலை 9 மணி முதல் மாலை 5 மணி வரை பார்வையிடலாம். மாலை 4.30 மணிக்கு டிக்கெட் விநியோகம் நிறுத்தப்படும்.

6 / 7
Share

Image Courtesy: Arignar Anna Zoological Park

வண்டலூர் பூங்காவில் ஒரு சிறப்பு ஏற்பாடு நடைமுறையில் உள்ளது. அதாவது அங்குள்ள சிங்கம், புலி ஆகியவற்றை தத்தெடுக்க முடியும். அந்த வகையில் தற்போது நடிகர் சிவகார்த்திகேயன், ஷெர்யார் என்ற சிங்கத்தையும், யுகா என்ற புலியையும் 3 மாத காலத்திற்குத் தத்தெடுத்துள்ளார்.

7 / 7
Share

Image Courtesy: Arignar Anna Zoological Park

பொதுமக்களும் கூட இப்படி விலங்குகளைத் தத்தெடுக்க முடியும். இதைப் பயன்படுத்தி நமக்குப் பிடித்த விலங்குகளுக்கு அந்த 3 மாதத்திற்குத் தேவையான செலவுகளை நாம் அளித்து மகிழவும் முடியும். கீழ்க்கண்ட லிங்க்கில் சென்று இதுகுறித்த விவரங்களை அறியலாம்

https://tickets.aazp.in/animal-adoption/

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்