சென்னை வந்த தலைவர்களுக்கு முதல்வர் தந்த பரிசுப் பெட்டகம்.. சிறப்பு என்ன தெரியுமா?

Mar 22, 2025,03:07 PM IST

சென்னையில் இன்று நடைபெற்ற தொகுதி மறுசீரமைப்பை எதிர்த்து நடைபெற்ற கூட்டு நடவடிக்கை குழு கூட்டத்திற்கு வருகை தந்த விருந்தினர்களுக்கு அரசு சார்பில் வழங்கப்பட்ட பரிசு பெட்கத்தில் 8 வகையான பரிசு பொருட்கள் இடம் பெற்றிருந்தன. பத்தமடை பாய், தோடர்களின் சால்வை, காஞ்சிபுரம் கைத்தறி பட்டுப்புடவை, ஊட்டி வர்க்கி, கன்னியாகுமரி கிராம்பு, கோவில்பட்டி கடலை மிட்டாய், ஈரோடு மஞ்சள், கொடைக்கானல் பூண்டு ஆகிய தமிழ்நாட்டின் சிறப்பு வாய்ந்த பொருட்கள் மகளிர் சுய உதவிக்குழுக்கள் தயாரித்த அழகிய பெட்டியில் அடுக்கப்பட்டு விருந்தினர்களுக்கு பரிசாக அளிக்கப்பட்டது.

1 / 8
Share

Image Courtesy: Madhar Group

பத்தமடை பாய்:

திருநெல்வேலி மாவட்டத்தில் பத்தமடை என்னும் ஊரில் நெய்யப்படும் பாய் தான் பத்தமடை பாய் என்று கூறப்படுகிறது. திருநெல்வேலியில் ஓடும் தாமிரபரணி என்னும் ஆற்றங்கரையோரத்தில் வளரும் கோரைப்புற்களால் நெய்யப்படும் பாய்கள். பிற பாய்களை விட இவை மெல்லியதாகவும், மென்மையாகவும், குளிர்ச்சியாகவும் இருப்பதால், உடலுக்கு ஏற்றதாகவும் இருப்பதாக கூறப்படுகிறது. இந்த பத்தமடைப் பாய் புவிசார் தகுதி பெற்றதாகும்.

2 / 8
Share

Image Courtesy: AI generated Image

தோடர்களின் சால்வை:

தமிழ்நாட்டில் நீலகிரி மலைபகுதியில் வாழும் பழங்குடி இனத்தவர்கள் தோடர்கள். இவர்கள் அணியும் சால்வைத் துணி தான் இது. தோடர்களுக்கு இந்த சால்வை மிகவும் பிறசித்தி பெற்றவையாகும். இவர்கள் விழாக்காலங்களிலும், திருமணம், இறுதிச் சடங்குகளின் போதும் இதை அணிவர். இந்த துணி தனித்துவம் மிக்கதாக கருதப்படுகிறது. இது சர்வேதச அளவில் புகழ் பெற்றதுடன் சால்வைக்கு புவிசார் குறியீடும் வழங்கப்பட்டுள்ளது.

3 / 8
Share

Image Courtesy: AI generated Image

காஞ்சிபுரம் கைத்தறி பட்டுப்புடவை:

காஞ்சி பட்டு உலகப் புகழ் பெற்றது. பட்டுச்சேலைகளில் மிகவும் சிறப்பு வாய்ந்ததாக காஞ்சி பட்டு விளங்குகிறது. காஞ்சிபுரத்தில் உள்ள ஏறத்தாழ 5,000 குடும்பங்கள் இந்த தொழிலை செய்து வருகின்றனர். வெயில் காலத்திற்கு ஏற்ற பட்டு சேலையாக இது திகழ்கிறது. இது ஒரு புவியியல் சார்ந்த குறியீடாக இந்தியா அரசால் 2005-06ல் அறிவிக்கப்பட்டது.

4 / 8
Share

Image Courtesy: Ramanaas bakery

ஊட்டி வர்க்கி:

ஊட்டி வர்க்கி என்பது கோதுமை மாவு, அரிசி, ரவை, நெய், சர்க்கரை மற்றும் உப்பு ஆகியவற்றால் செய்யப்படுவது. இது ஒரு வகை ரொட்டி ஆகும். இந்தியாவில் காலனி ஆதிக்கத்திலிருந்தே ஊட்டி வர்க்கி பிரபலமானது. ஊட்டியில் உள்ள நீர் மற்றும் வானிலையின் பண்புகள் வர்க்கிக்கு தனித்துவத்தை தருவதாகவும் சொல்லப்படுகிறது.

5 / 8
Share

Image Courtesy: AI generated Image

கன்னியாகுமரி கிராம்பு:

கன்னியாகுமரி மாவட்டம் மேற்கு தொடர்ச்சி மலைப்பகுதியில் பயிரடப்படும் கிராம்பு உலக பிரசித்தி பெற்றதாகும். இந்த கிராம்பு உலக தரம் வாய்ந்ததாகவும் சொல்லப்படுகிறது. இந்தியாவிலேயே கிராம்பு பயிரிடுவதற்கு ஏற்ற மிதமான தட்பவெப்பம், தண்ணீர் தேங்காத மண்போக்கு இங்கு நிலவுவதால், இந்த கிராம்பு சிறப்பானதாக கூறப்படுகிறது. கன்னியாகுமரி கிராம்பில் எண்ணெய் பிழிதிறன் அதிகம். இதன் அடிப்படையில் இந்தக் கிராம்புக்கு, கன்னியாகுமரி கிராம்பிற்கு புவிசார் குறியீடு கிடைத்திருக்கிறது.

6 / 8
Share

Image Courtesy: AI generated Image

கோவில்பட்டி கடலை மிட்டாய்:

இது இனிப்புச் சுவையுள்ள தின்பண்டம். நிலக்கடலை, கருப்பட்டி அல்லது வெல்லம் கொண்டு செய்யப்படுவது. பல்வேறு இடங்களில் கடலை மிட்டாய் கிடைத்தாலும், தூத்துக்குடி மாவட்டம் கோவில் பட்டியில் செய்யப்படும் கடலை மிட்டாய்க்கு தனிச்சுவை உண்டு என்றே சொல்லலாம். இதனாலேயே இந்த கோவில் பட்டி கடலை மிட்டாய்க்கு புவிசார் குறியீடு கிடைத்துள்ளது.

7 / 8
Share

Image Courtesy: AI generated Image

ஈரோடு மஞ்சள்:

ஈரோடு மஞ்சளில் 90 சதவீத குர்க்குமின் உள்ளதாம். இது அதிக மருத்துவ குணம் மற்றும் சுவைக்கு பெயர் பெற்றதாகும். உலக சுகாதார அமைப்பினால் அங்கீகரிக்கப்பட்ட இயற்கையான உணவு வண்ணப் பொருளாகும். 2019 ஆண்டு முதல் ஈரோடு மஞ்சளுக்கு புவியியல் சார்ந்த குறியீடு வழங்கப்பட்டுள்ளது.

8 / 8
Share

Image Courtesy: AI generated Image

கொடைக்கானல் பூண்டு:

திண்டுக்கல் மாவட்டம், கொடைக்கானல் மலைப் பகுதியில் விளையும் பூண்டு இது. காரத்தன்மை கொண்ட இந்த பூண்டில் மருத்துவ குணங்கள் அதிகமாம். கொடைக்கானலில் தட்பவெப்ப நிலை, மண்ணின் தன்மை, மலையின் உயரம் போன்ற காரணங்களால் இந்த பூண்டுக்கு என தனித்தன்மை கிடைத்துள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்