தை பூசத்திருவிழா: தமிழகம் முழுவதிலும் உள்ள முருகன் கோவில்களை அதிர வைத்த அரோகரா கோஷம்!

Feb 11, 2025,02:37 PM IST

தைபூச திருவிழா தமிழகம் முழுவதிலும் உள்ள முருகன் கோவில்களில் கொண்டாடப்படும் விழாவாகும். முருகனுக்கு உகந்த நாள் தைப்பூசமாகும். இந்த விழா ஆண்டு தோறும் தை மாதம் பூச நட்சத்திரமும் பெளர்ணமி திதியும் கூடிய நாளில் கொண்டாடப்பட்டு வருகிறது. இந்த தைபூச விழா பழங்காலந்த தொட்டே தமிழகத்தில் கடைப்பிடிக்கப்பட்டு வருகிறது.

1 / 4
Share

Image Courtesy: X

முருகப்பெருமான் தனக்கு கிடைக்க வேண்டிய ஞானப்பழம் கிடைக்காமல் போக, தனது பெற்றோர்களான சிவன்-பார்வதி ஆகியோர் மீது கோபித்துக் கொண்டு கயிலாயத்தில் இருந்து பண்டார கோலத்தில் பழநி மலையில் முருகப்பெருமான் குடியேறிய நாளே தை பூசம் திருவிழாவாக தமிழகத்தில் கொண்டாடப்பட்டு வருகிறது.

2 / 4
Share

Image Courtesy: X

சிவபெருமான் உமாதேவியுடன் இருந்து சிதம்பரத்தில் ஆனந்த நடனம் ஆடி, தரிசனம் அளித்த நாள் தைப்பூச நாள் என்பர். தை பூசத்தன்று முருகன் தருகாசுரனை வதம் செய்த நிகழ்வு ஒரு விழாவாக பழனியில் அனுஷ்டிக்கப்படுகிறது.

3 / 4
Share

Image Courtesy: X

இந்நாளில் முருகனை வழிபடுவதால் கல்வி, ஞானம், செல்வம் என மூன்றிலும் சிறந்து விளங்குவார்கள் என்பது ஐதீகம். இதனால் பக்தர்கள் பாதை யாத்திரையாகவும் கிரிவலம் வந்தும் முருகப்பெருமானை தரிசிக்கின்றனர்.

4 / 4
Share

Image Courtesy: X

அதே சமயத்தில் பக்தர்கள் விரதம் இருந்து அலகு குத்துதல், காவடி எடுத்தல், பால்குடம் எடுத்தல் என தங்களின் நேர்த்திக் கடன்களையும் செலுத்துவதை வழக்கமாகக் கொண்டு வருகின்றனர். இதனால் பொதுவாகவே தைப்பூசத் திருநாளில் பல்வேறு பகுதிகளில் இருந்தும் ஏராளமான பக்தர்கள், முருகன் இருக்கும் கோவில்களுக்கு சென்று சாமி தரிசனம் செய்வது வழக்கமாகும்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்