பைந்தமிழே பயிற்று மொழி...!
- அ. வென்சி ராஜ்
கன்னித் தமிழே....பைந்தமிழே...
காலமெல்லாம் உன்னை வளர்த்து..
நாங்கள் வாழவும்...வளரவும்....
வரம் தருவாயே...
வையம் போற்ற வாழ்வாங்கு வாழும் உன்னைப் போல்....
உன்னை வளர்க்க யாம் வளர்ந்து....
உலகில் ஒளியேற்ற வரம் தருவாயே...
அழகியே... அறிவே....
எம் அன்னைத் தமிழே....
உம் வியத்தகு வளர்ச்சிக்கு என் சிரம் தாழ்ந்த வணக்கம்..
சங்கத்தமிழே...
சிந்தை உருகி வணங்குகிறேன்....
கன்னியே ...அமுதே..
தஞ்சையிலும் மதுரையிலும் சங்கம் வைத்து வளர்ந்து நிற்கும் சங்கத்தமிழே....
முத்தமிழே... முக்கனிச்சுவையே....
வாழ்த்துகிறேன்...
தொல்காப்பியம் போற்றும் தீந்தமிழே. ...
வள்ளுவம் வளர்த்த வளர்பிறையே...
தேனினும் இனியது உன் சுவையே....
வான் போற்ற வளர்ந்திருக்கும் வளர்தமிழே...
செவிக்கு இனியவளே....
சிந்தைக்கு புதியவளே....
தேன் ததும்பும் இனிய சொல்லெடுத்து...
பூ மாலை தொடுத்து...
உனை வீழ்த்த நினைத்தார் முன்...
வீழ்வேனென்று நினைத்தாயோ என ஓங்கி உயர்ந்து நிற்கும் உயர் தமிழே...
தாய்த்தமிழே...
என்றும் கன்னியே...
மூவேந்தர்களும் சங்கம் வைத்து சீராட்டி பாராட்டி வளர்த்த பேரழகே...
என் தாய் தமிழே..
பைந்தமிழே....
உனையே பயிற்று மொழியாய் கொள்ள எம் உள்ளம் ஆவல் கொண்டதே...
அந்த ஆவல் நிறைவேற்ற அடியெடுத்து வைப்போமே...
அனைத்து அறிவையும் அழகாய் கற்றிட
உன்னில் சொல் தேடி நிற்கின்றேன்...
தமிழன்னையே...
ஆசீர்வதியும் என்னையே....!
(அ. வென்சி ராஜ்... இவர் திருவாரூர் பகுதியைச் சேர்ந்தவர். பண்ணைவிளாகம் அரசு உதவி பெறும் நடுநிலைப் பள்ளியில் ஆசிரியராக பணிபுரிகிறார். இவர் பட்டிமன்ற பேச்சாளராகவும், தன்னம்பிக்கை பேச்சாளராகவும், சமூக செயல்பாட்டாளராகவும் அறியப்படுகிறார். திருவாரூர் தமிழ்ச்சங்கம், தமிழ்நாடு புலவர் பேரவை, இந்தியன் ரெட் கிராஸ் ஆகியவற்றில் வாழ்நாள் உறுப்பினராக உள்ளார். செஞ்சிலுவை சங்கத்தில் கொரடாச்சேரி இணை கண்வீனியராகவும், திருவாரூர் இன்னர்வீல் சங்கத்தில் உறுப்பினராகவும், ஹெல்ப் லைன் டிரஸ்ட் என்னும் ரத்ததான அமைப்பில் தலைமை ஆலோசகராகவும் பயணம் செய்கிறார்)
சமீபத்திய செய்திகள்
CSK Vs MI: சேப்பாக்கத்தில் அசத்திய சென்னை சூப்பர் கிங்ஸ்.. பிரமாத வெற்றி.. கார்த்திக் சர்மா அபாரம்!
Tamil Nadu Results 2026: தேர்தல் ரிசல்ட் 2 நாட்களில்... 'வார் ரூம்களை' வலுப்படுத்தும் திமுக - அதிமுக
என்னாச்சு இவங்களுக்கு? இப்படி பேசுறாங்க... அப்போ ரிசல்ட் அப்படி தான் இருக்குமா?
Cell Broadcast Alert System: உங்க செல்போனில் சத்தத்துடன் மெசேஜ் வந்தா பயப்படாதீங்க.. டெஸ்ட்டிங்!
பசுமை மாறா நினைவுகள்.. நாவல் பழமும்.. ஆற்றில் அடித்துக் கொண்டு போன மரமும்!
அடிக்கிற வெயிலுக்கு.. டென்ஷனாகாதீங்க பாஸ்.. இந்த ஜோக்ஸ் படிங்க.. ஜில்லுனு ஆயிடுவீங்க!
கண்ணும் கண்ணும் நோக்கினால்!
அனல் பறக்கத் தொடங்கியுள்ள .. மே மாதம்.. என்னவெல்லாம் காத்திருக்கு தெரியுமா?
ஆப்பிளை சுவைத்தபடி.. ராவி ஆற்றங்கரை ஓரமாக.. (அமர்நாத் யாத்திரை அனுபவங்கள்.. 4)
{{comments.comment}}