பாஜகவில் சேரும் நிலைக்கு என்னைத் தள்ளி விட்டுள்ளது காங்கிரஸ்.. விஜயதரணி பேச்சு!

Feb 24, 2024,05:50 PM IST

டெல்லி: எதிர்பார்த்தது போல, காங்கிரஸ் கட்சியிலிருந்து விலகி பாஜகவில் இணைந்து விட்டார் விளவங்கோடு எம்எல்ஏ விஜயதரணி. இதனால் அரசியல் களம் பரபரப்பாக காணப்படுகிறது.

காங்கிரஸ் சார்பில் மூன்றாவது முறையாக சட்டமன்ற உறுப்பினராக பதவி வகித்து வருபவர் எம்எல்ஏ விஜய தரணி. கன்னியாகுமரி மாவட்டம் விளவங்கோடு எம்எல்ஏவாக இருப்பவர். தற்போது காங்கிரஸ் கட்சியின் சட்டமன்ற முதன்மை கொறடாவாக இருந்தும் வந்தார்.

கடந்த நாடாளுமன்றத் தேர்தலில் கன்னியாகுமரி தொகுதியில் போட்டியிட்டவர் எச்.வசந்தகுமார். இவர் கொரோனா தொற்றால் காலமானார். அதன் பிறகு கன்னியாகுமரி தொகுதிக்கு இடைத்தேர்தல் நடத்தப்பட்டது. அதில் தற்போது எம்எல்ஏவாக உள்ள விஜயதரணி வாய்ப்பு கேட்டார். ஆனால் காங்கிரஸ் தொகுதியை ஒதுக்க மறுத்துள்ளது. இதனால் தமிழ்நாடு காங்கிரஸ் தலைமையின் மீது விஜயதாரணி அதிருப்தியில் இருந்து வந்தார்.

இதனால் அதிருப்தியுடன் இருந்து வந்த விஜயதரணி, கட்சி நடவடிக்கைகளில் தன்னை ஈடுபடுத்திக் கொள்ளாமல் ஒதுங்கியே இருந்தார். இந்தநிலையில், சமீபகாலமாக எம் எல் ஏ விஜயதரணி காங்கிரஸ் கட்சிகளிலிருந்து விலகி பாஜகவில் இணைவதாக தகவல்கள் வெளியாகி வந்தன. இதற்காக கடந்த இரண்டு வாரங்களாக டெல்லியில் முகாமிட்டு வந்துள்ளார்.

ஆனால் இதை சமீபத்தில் காங்கிரஸ் தலைவராக பொறுப்பேற்ற செல்வப்பெருந்தகை மறுத்தார். விஜயதரணி பாஜக வலையில் சிக்க மாட்டார். வழக்கு ஒன்றுக்காகத்தான் அவர் டெல்லி போயுள்ளார் என்று கூறி வந்தார். இந்த நிலையில்தான், மத்திய இணை அமைச்சர் எல். முருகன் தலைமையில் இன்று பாஜகவில் இணைந்தார் விஜயதரணி.

தற்போது பாஜகவில் இணைந்துள்ள எம்எல்ஏ விஜயதரணிக்கு மாநிலத் தலைவர் அண்ணாமலை வாழ்த்து தெரிவித்தார். இரண்டு நாள் பயணமாக வரும் பிப்ரவரி 27ஆம் தேதி தமிழ்நாட்டிற்கு வரும் பிரதமர் நரேந்திர மோடியுடன் விஜயதாரணியும் பாஜக பொதுக் கூட்டத்தில் கலந்து கொள்வார் என எதிர்பார்க்கப்படுகிறது.

தான் சிறு வயது முதலே காங்கிரஸ் கட்சியில் இருந்து வந்ததாகவும், தன்னை பாஜகவில் சேரும் நிலைக்கு காங்கிரஸ் தள்ளி விட்டுள்ளதாகவும் கூறியுள்ளார் விஜயதரணி.

சமீபத்திய செய்திகள்

எந்த ஷா வந்தாலென்ன?.. தமிழ்நாடு என்றைக்குமே டெல்லிக்கு Out of Control தான்: முதல்வர் மு.க.ஸ்டாலின்!

கூட்டணி குறித்த முடிவுக்கு இபிஎஸ்சுக்கே அதிகாரம்..அதிமுக பொதுக்குழுவில் 16 தீர்மானங்கள் நிறைவேற்றம்

2026 சட்டசபைத் தேர்தலுக்கு முன் கூட்டணி விரிவாக்கம்.. ராஜ்யசபா தேர்தலை உற்று நோக்கும் தி.மு.க

விஜய்யின் பேச்சு அரசியல் முதிர்ச்சியின்மையை காட்டுகிறது:புதுச்சேரி உள்துறை அமைச்சர் நமச்சிவாயம்

தமிழகத்தில் இன்று முதல் அடுத்த 7 நாட்கள் ஓரிரு இடங்களில் மிதமான மழைக்கு வாய்ப்பு: வானிலை ஆய்வு மையம்

அனைத்து ரேஷன் அட்டை தாரர்களுக்கும் பொங்கல் பரிசு: புதுச்சேரி முதல்வர் ரங்கசாமி அறிவிப்பு

ஆஸ்திரேலியாவில்.. 16 வயதுக்குட்பட்ட குழந்தைகளுக்கு சமூக ஊடகத் தடை.. எந்தெந்த செயலிகளுக்கு ஆப்பு?

தவெகவுடன் கூட்டணி வருமா?.. பதிலளிக்காமல் தவிர்த்த புதுச்சேரி முதல்வர் ரங்கசாமி

12 ஆண்டுகளுக்குப் பிறகு மீண்டும் நடிக்க வரும் அப்பாஸ்.. படம் பேரு என்ன தெரியுமா?

பாஜகவில் சேரும் நிலைக்கு என்னைத் தள்ளி விட்டுள்ளது காங்கிரஸ்.. விஜயதரணி பேச்சு!

Comments

சமீபத்திய செய்திகள்

அதிகம் பார்க்கும் செய்திகள்