பொன்னான நாளாகப் பூத்ததோ?
- டிலாணி ஸ்ரீதரன்
மதியழகை இரசித்த சிறு முகிலினங்கள்
சிறிது ஓய்வெடுக்க புறப்பட்டதோ?
கடலழகை முகர்ந்த கதிரவனின் சிந்தை தெளிந்து
விந்தை புரிந்ததோ?
கதிரழகை கண்ட தாமரையும் தலையசைத்து
வரவேற்று மகிழ்ந்ததோ?
சிலையழகை தரிசிக்க கோபுரத்தின் உச்சியில்
சூரியனும் வானவீதி அமைத்ததோ?
இலையழகை இறுகப் பற்றிய பனித்துளியும்
இதழுக்கு விடுதலை தந்ததோ?
காற்றழகை மெருகூட்ட
கற்றைக்கதிர் பரப்பி
ஒற்றை ஆதவனும் உலாவந்ததோ?
காலையழகை எடுத்துரைக்க
காது குளிர அலகசைவில்
புள்ளினங்கள் பாடியதோ?
விழியழகை பருகிய இமைகளும்
தன்னிலை மறந்து முன்னிலையில் துடித்ததோ?
கட்டழகை தஞ்சமாக்கிய மஞ்சத்தை
பரிதியொளி
சாளரத்தில்
எட்டிப் பார்த்ததோ?
கலையழகை திரட்டிட
கிளையழகைக் கொண்டு மரங்கள் நடனம் ஆடியதோ?
மொழியழகை கொஞ்சிடும் மழலையழகு
அன்னை மொழியை விஞ்சியதோ?
வாழ்வியலை தொடங்கிட
ஒவ்வொரு நாளும் பொன்னான நாளாகப் பூத்ததோ?
புவியழகை வியந்துப் பாடிட புராணக் கதைகளும் போதாதோ?
படைப்பழகை வர்ணிக்க
பிரம்மனும் கவிஞர்களின் எழுதுகோலிடம் தோற்று விடுவாரோ?
சமீபத்திய செய்திகள்
பொன்னான நாளாகப் பூத்ததோ?
நவம்பர் 13ல் உருவாகிறது தென்கிழக்கு வங்கக்கடலில் புதிய காற்றழுத்த தாழ்வுப் பகுதி
ரூ.400 கோடி லஞ்ச வழக்கு : திமுக முன்னாள் அமைச்சர் அன்பில் மகேஷின் ஜாமீன் மனு தள்ளுபடி
இரும்புக்கரம் கொண்டு அடக்குவாரா விஜய்? இனியும் சுதாரிக்காவிட்டால் தவெக அரசுக்கு சிக்கல்!
"ஓ... மேடமுக்கு கோபம் வந்திருச்சா".. அழாதே அனாமிகா (2)
கந்தசஷ்டி விரதம் எப்படித் தோன்றியது தெரியுமா?
பெண் ஆட்சியருக்கு ஆபாச எஸ்எம்எஸ் அனுப்பினேனா?: தவெக எம்எல்ஏ அருள் விக்னேஷ் மறுப்பு
சமையல் With ஸ்வர்ணா: காரசாரமான கத்தரிக்காய் தக்காளி சட்னி!
சுயும்புவாக உருவாகி அருள் தரும்.. ஸ்ரீ வாராகி அம்மன்.. சென்னை to ராமேஸ்வரம் ஒரு ஆன்மீகப் பயணம் (5)
.webp)
.webp)
.webp)
{{comments.comment}}