ஜிவி.பிரகாஷ், ஷிவானி ராஜசேகர் நடிக்க.. பா. ரஞ்சித் தயாரிப்பில் புதுப் படம்.. தொடங்கியது ஷூட்டிங்!
சென்னை: இசையமைப்பாளரும், நடிகருமான ஜிவி பிரகாஷ் நடிக்கும் புதிய படத்தின் படப்பிடிப்பை இயக்குனர் பா. ரஞ்சித் சென்னையில் துவங்கி வைத்தார். இப்படத்தை பா. ரஞ்சித்தின் நீலம் புரடக்ஷன்ஸ் நிறுவனம் தயாரிக்கிறது.
தமிழ் சினிமாவில் நல்ல இசையமைப்பாளரும், நடிகராகவும் வலம் வருபவர் ஜி வி பிரகாஷ். ஏ ஆர் ரகுமான் இசையில் வெளிவந்த ஜென்டில்மேன் திரைப்படம் மூலம் ஒரு பாடகனாக தமிழ் திரையுலகில் கால் பதித்தவர். பின்னர் வெயில் திரைப்படத்தின் மூலம் இசையமைப்பாளராக அறிமுகமானவர். இவரின் இசையில் இப்படத்தின் பாடல்கள் அனைத்தும் மக்களிடையே நல்ல வரவேற்பு பெற்று ஹிட் கொடுத்தது.
இதனைத் தொடர்ந்து இவர் இசையமைத்த கிரீடம் படத்தின் பாடல்களும் நல்ல வரவேற்பு பெற்றது. இது தவிர ஒரு நடிகனாகவும் பல படங்களில் தனது திறமையை வெளிப்படுத்தி வருபவர். கமல்ஹாசன் நடிக்கும் விக்ரம் 2 மற்றும் சூர்யா நடிக்கும் 43 வது படத்திற்கும் இசையமைக்கிறார். சூர்யாவின் 43 வது படம், ஜீவி பிரகாஷ் இசையமைக்கும் நூறாவது படம் ஆகும்.
ஏற்கனவே ஜிவி பிரகாஷ் நடிக்கும் கள்வன், ரிபெல், இடி முழக்கம் உள்ளிட்ட படங்கள் உருவாகி ரிலீஸ் ஆக தயாராக வரும் நிலையில், தற்போது புதிய படத்தில் கமிட்டாகி உள்ளார். இதன் படப்பிடிப்பை பா. ரஞ்சித் துவங்கி வைத்தார். இயக்குனர் பா. ரஞ்சித்தின் நீலம் ப்ரொடக்ஷன் தயாரிப்பில் இப்படம் உருவாகிறது. ரஞ்சித்திடம் பணியாற்றிய அகிலன் மோசஸ் இயக்குகிறார். இதில் ஷிவானி ராஜசேகர், பசுபதி, ஸ்ரீ நாத்பாஸி, லிங்கேஷ் விஸ்வந்த், உள்ளிட்ட பலர் நடிக்கிறார்கள்.
இயக்குனர் பா.ரஞ்சித் தன்னிடம் பணியாற்றும் உதவி இயக்குனர்களுக்காக தொடர்ந்து படங்கள் தயாரிக்கிறார் என்பது குறிப்பிடத்தக்கது.
சமீபத்திய செய்திகள்
இந்தியாவுக்கும், பாகிஸ்தானுக்கும் இடையே முழு அளவிலான போர் மூண்டால் என்னாகும்?
தவெகவின் பூத் கமிட்டி மாநாட்டில்.. கலந்து கொள்வதற்காக சென்னையிலிருந்து புறப்பட்டார்.. விஜய்!
முட்டி மோதிய சென்னை சூப்பர் கிங்ஸ்.. மீண்டும் தோல்வி.. தட்டித் தூக்கிய ஹைதராபாத்!
ஆளுநர் ஆர். என். ரவி.. பாஜக தலைவராக வந்து அரசியல் செய்யலாமே.. அமைச்சர் கோவி. செழியன்
துணைவேந்தர்களுக்கு மிரட்டல்.. முதல்வர் ஸ்டாலின் அச்சப்படுகிறாரா.. ஆளுநர் ஆர். என். ரவி கேள்வி
ஏ.ஆர்.ரஹ்மான் மீது காப்புரிமை வழக்கு... ரூ.2 கோடி செலுத்த டெல்லி உயர்நீதிமன்றம் உத்தரவு!
பாகிஸ்தானியர்களை வெளியேற்றுங்கள்.. மாநில அரசுகளுக்கு மத்திய அமைச்சர் அமித்ஷா அறிவுறுத்தல்!
ஒரு வருஷத்துக்கு முன்பு என்னைப் புகழ்ந்தவர்களா இவர்கள்??.. ஒலிம்பியன் நீரஜ்சோப்ரா பெரும் வேதனை!
எல்லைக் கட்டுப்பாட்டுக் கோட்டுப் பகுதியில்.. துப்பாக்கிச் சூட்டில் இறங்கிய பாக்.. இந்தியா பதிலடி
{{comments.comment}}