- ஹர்ஷினியா

ஒற்றுமை இன்னும் இவ்வுலகில் இருக்கிறதா என்று என்னுள் ஒரு கேள்வி. 

அதை இயற்கையிடம் கேட்டேன்.

மழைத்துளி என்னிடம் சொன்னது, எங்கள் ஒற்றுமையில்தான் இவ்வுலகில் மனிதர்கள் பாவம்  போக்க செல்லும் நீர் நிலைகளே உள்ளன என்று ;

வண்ணங்கள் சொன்னது, எங்கள் ஒற்றுமைதான் உலகம் ரசிக்கும் வானவில் உண்டானது என்று ;

என் வீட்டு பொருட்களிடம் கேட்டேன் , 

நாற்காலி கூறியது என் கால்களின் ஒற்றுமையில் தான் நீ நிம்மதியாக அமர்ந்திருந்திருக்கிறாய் என்று ;

கடிகாரமுள் கூறியது எங்கள் மூவர் ஒற்றுமையில்தான் இவ்வுலகமே இயங்குகின்றன என்று ;

என் உடலிடம் கேட்டேன், எனக்கும் உயிருக்கும் உள்ள ஒற்றுமையில்தான் நீயே உள்ளாய் என்று ;

அணுவை கண்டறிந்த டெமோக்ரிட்டஸ் கூறினார் அணுவின் ஒற்றுமையில்தான் இங்கு அனைத்தும் உள்ளதென்று ;

ஆனால் இங்கு ஆறறிவு  கொண்ட நம்மை போன்ற மனிதர்களிடம் ஒற்றுமை உள்ளதா ?

இதன் விடை நீ அறிவாய் ....

நானறிந்தது ,

எழுத்துக்களின் ஒற்றுமையில்தான் வார்த்தை உருவாகிறது !

ஓசைகளின் ஒற்றுமையில்தான் இசை உருவாகிறது !

ஐந்து விரல் சேர்ந்து தான் ஒரு பொருளை  தூக்கும் ,

அது போல நாமும் ஒற்றுமையாக இருந்தால் வெற்றியைத் தூக்கலாம் !

இதுவே நிதர்சன உண்மை ! 

இதை பின்பற்றிட உன் வாழ்கையடைவதோ வெண்மை!

இதை நான் கூறுவது என் கடமை! 

உங்கள் புதிய ஒற்றுமைத் தொடக்கத்திற்கு என் வாழ்த்துக்கள் !

(என் பெயர் அங்காள ஹர்ஷினியா. நான் வீரமணி அவர்களின் மகள். கணிதவியல் துறையில் இரண்டாம் ஆண்டு படித்து வருகிறேன். எனக்கு இயற்கையை ரசிப்பதும், பயணம் செய்வதும் மிகவும் பிடிக்கும்)