- சிவ.ப.மாலதி ராஜாராம்

விநாயகர் துதி

பாலுந் தெளிதேனும் பாகும் பருப்பும் 

இவை நான்கும் கலந்து உனக்கு நான் தருவேன்

கோலஞ் செய் துங்கக் கரிமுகத்துத் தூமணியே

நீ எனக்குச் சங்கத் தமிழ் மூன்றும் தா.

சிவபுராணம் தொடர்ச்சி......

{பாடல்வரி}

66. பேராது நின்ற பெரும் கருணைப் பேராறே!

{பொருள்}

என்னை விட்டு நீங்காது நின்ற பெரும் கருணை என்னும் கரைபுரண்டு ஓடும்  பேரருள் என்னும் வெள்ளமே

பாடல் வரி. 67

ஆரா அமுதே அளவில்லாப் பெம்மானே!

{பொருள்}

தெவிட்டாத இனிய அமுதம் போன்றவனே, எம்பெருமானே!

{பாடல் வரி•68}

ஓராதார் உள்ளத்து ஒளிக்கும் ஒளியானே!

{பொருள்}

ஆராய்ந்து அறியாதவர் உள்ளத்தில் இருந்து அவர்கள்களுக்கு புலப்படாத பேர் ஒளியே!

{ஓர்தல்} சிந்தித்தல்

{பாடல் வரி•69}

நீராய் உருக்கி, என் ஆர் உயிர் ஆய் நின்றானே!

{பொருள்}

என் கல்மனத்தை கரைய வைத்து அன்பு என்னும் நீரை உருக்கி தான் தங்குவதற்கு இடமாக செய்து கொண்டு  உயிருக்கு உயிராக நின்றவனே!

{பாடல் வரி•70}

இன்பமும் துன்பமும் இல்லாமே உள்ளானே 

{பொருள்}

குணம், குறி கடந்தவன்,,எனவே அவனுக்கு இயற்கையில் இன்பமும் இல்லை, துன்பமும் இல்லை ஆனால் இறைவன் ஒவ்வொரு உடம்பின் உள்ளும் உயிருக்கு உயிராய் கலந்து நிற்கின்றான், {காலில் அடிபட்டால் கண்களில் நீர் வருவது போல் உயிர்கள் படும் இன்பத் துன்பஙகளில் இறைவன் உயிரோடு கலந்து நிற்கின்றான் }

{பாடல் வரி_71}

அன்பருக்கு அன்பனே!யாவையும் ஆய், அல்லையும் ஆம்_

{பொருள்}

அன்பருக்கு அன்பாக உள்ளவனே அவை அல்லாதவனாகவும்,, எல்லாம் பொருளும் ஆகி ஒளி பிழம்பாக உள்ளவனே,,

{பாடல் வரி_72}

சொதியனே! துன்இருளே தோன்றாப் பெருமையனே!

{பொருள்}

ஒளிவடிவானே, ஒளிக்குள்செறிந்து இருக்கினற இருளே,,{இருளும் இறைவனின் சொரூபமே,} தோன்றாப் பெருமை யனே__கண்ணால் கண்டு கொள்ள முடியாது இருந்தாலும் மனத்தினால் அதன் உணர்வை புரிந்து கொள்ள கூடிய நிலைத்திருக்கும் தன்மையுடையது,

{பாடல்வரி_73}

ஆதியனே!அந்தம், நடு ஆகி, அல்லானே!

{பொருள் }

மிகவும் பழமையானவனே முடிவும் அழிவும் இல்லாது இடையில் நிலைத்து நிற்கும் பரம்பொருளே!

{பாடல் வரி_74}

ஈர்த்து என்னை, ஆட்கொண்ட எந்தை பெருமானே!

{பொருள்} 

காந்தத்தின் வலுவுக்கு ஏற்ப இரும்பு மிக விரைவாகச் சென்று ஒட்டிக் கொள்ளும் அதுபோல எங்கோ இருந்த என்னை வலியை இழுத்து ஆட்கொண்ட என் தந்தையான எம்பெருமானே,

{பாடல் வரி_75}

கூர்த்த மெய் ஞானத்தால்க் கொண்டு உணர்வார் தம்_ கருத்தின்,

{பொருள்}

கூர்த்த__{முதிர்ந்த, வளர்ந்த, கூர்மை செய்யப்பட்ட,இறை அறிவு }உண்மை ஞானத்தினாலும் சிந்தித்து அறிபவர் உள்ளத்தினாலும் காண்பதற்கு அரிய தோற்றமே!

திருச்சிற்றம்பலம்

தொடரும்

(மாலதி ராஜாராம், உழவாரப்பணி மற்றும் தேவாரம் திருவாசகம் முற்றோதுதல் செய்தல் தையல் மற்றும் கைவினைப் பொருட்கள் செய்தல் பொழுதுபோக்கு ஆகும். இல்லத்தரசி)