One Big and Beautiful bill.. வரி மற்றும் செலவு மசோதாவில் கையெழுத்திட்ட அதிபர் டிரம்ப்!
வாஷிங்டன்: One Big and Beautiful bill என்று அதிபர் டொனால்ட் டிரம்ப்பால் வர்ணிக்கப்பட்ட வரி மற்றும் செலவு மசோதாவில் அதிபர் டிரம்ப் கையெழுத்திட்டுள்ளார்.
வெள்ளை மாளிகையில் சுதந்திர தின விழா நடந்தபோது இந்த மசோதா கையெழுத்தானது. விழாவில் ஒரு ஸ்டெல்த் போர் விமானம் பறந்து சென்றது. "அமெரிக்கா முன்னெப்போதும் இல்லாத வகையில் வெற்றி பெற்று வருகிறது" என்றும் டிரம்ப் கூறினார்.
குடியரசுக் கட்சி எம்.பிக்கள் புடை சூழ, மசோதாவில் அதிபர் டிரம்ப் கையெழுத்திட்டார். இந்த மசோதா சமூக நலத்திட்டங்களில் பெரும் செலவுக் குறைப்புகளை ஏற்படுத்தி பாதிப்பை ஏற்படுத்தும் என்று ஜனநாயகக் கட்சியினர் விமர்சித்துள்ளனர். ஆனால், அதை நிராகரித்துள்ளார் அதிபர் டிரம்ப்.
டிரம்ப்பின் முதல் ஆட்சியில் இருந்த வரி குறைப்புகளை நீட்டிப்பது, இராணுவ செலவினங்களை அதிகரிப்பது மற்றும் குடியேற்ற முயற்சிகளுக்கு புதிய நிதியை ஒதுக்குவது உள்ளிட்ட அவரது முக்கிய தேர்தல் வாக்குறுதிகளை இந்த மசோதா நிறைவேற்றும் வகையில் அமைந்துள்ளது.
அதேசமயம், இந்த மசோதா அமெரிக்காவில் ஒரு பெரிய விவாதத்தை கிளப்பியுள்ளது. டிரம்ப் ஆதரவாளர்கள் இது பொருளாதார வளர்ச்சியை ஊக்குவிக்கும் என்று கூறுகின்றனர். எதிர்ப்பாளர்கள் இது சமூக சமத்துவமின்மையை அதிகரிக்கும் என்று வாதிடுகின்றனர். அதிபர் டிரம்ப்பின் நண்பரான எலான் மஸ்க்கே இந்த சட்டத்தை எதிர்த்துள்ளார். இது அமெரிக்காவை திவாலாக்கி விடும், கடன் சுமையை அதிகரித்து விடும் என்று அவர் விமர்சித்துள்ளார் என்பது நினைவிருக்கலாம்.
இந்த மசோதாவின் தாக்கம் காலப்போக்கில் தெளிவாகத் தெரியும். இந்த மசோதாவில் கையெழுத்திட்ட பிறகு, டிரம்ப் இராணுவ வீரர்களுடன் ஒரு சிற்றுண்டி விருந்தில் கலந்து கொண்டார். அவர் தனது ஆதரவாளர்களுக்கு நன்றி தெரிவித்தார். அமெரிக்காவின் எதிர்காலம் குறித்து நம்பிக்கையும் தெரிவித்தார்.
சமீபத்திய செய்திகள்
அரசியல் ஆலோசகர் பிரஷாத் கிஷோர் விலகலுக்கு.. விஜய்யின் அதிரடி அறிவிப்பே காரணமா?
கல்லூரிகளில் பிற்படுத்தப்பட்ட வகுப்பினருக்கான காலியிடங்களை நிரப்ப தடை போடுவது ஏன்? டாக்டர் அன்புமணி
தேர்தலுக்குத் தேர்தல்.. படிப்படியாக முன்னேறும் சீமான்.. 2026 தேர்தலில் யாருக்கெல்லாம் ஆப்பு?
என்னைப் பற்றி பேசுவதாக நினைத்துக்கொண்டு தன்னைப் பற்றி பேசுகிறார் முதலமைச்சர்: எடப்பாடி பழனிச்சாமி!
அதிமுக பொதுச்செயலாளர் எடப்பாடி பழனிசாமிக்கு Z+ பாதுகாப்பு!
தமிழ்நாடு சட்டசபைத் தேர்தலில்.. குஷ்பு, கெளதமி.. எந்தெந்த நடிகைகள் போட்டியிட சீட் கிடைக்கும்?
2026 தமிழ்நாடு சட்டசபைத் தேர்தல்.. விஜய் வழி தனி வழி.. தெளிவா சொல்லிட்டாரு.. 4 முனைப் போட்டிதான்!
முருகனின் 2ம் படை வீடான.. திருச்செந்தூரில் ஜூலை 7 கும்பாபிஷேகம்.. போலீஸ் வெளியிட்ட முக்கிய அறிவிப்பு
பாகிஸ்தானுக்கு பை பை சொல்கிறது மைக்ரோசாப்ட்.. ஊழியர்களைக் குறைத்து வந்த நிலையில் மூடு விழா!
{{comments.comment}}