காலை உணவுத் திட்டம்.. ஆகஸ்ட் 25ம் தேதி முதல் மாநிலம் முழுவதும் விரிவாக்கம்

Aug 15, 2023,10:12 AM IST

சென்னை: தமிழ்நாட்டில் தற்போது ஆரம்பப் பள்ளிகளில் அமலில் இருக்கும் காலை உணவுத் திட்டம் இனி மாநிலம் முழுவதும் உள்ள அனைத்துத் தொடக்கப் பள்ளிகளுக்கும் விரிவுபடுத்தப்படவுள்ளது. ஆகஸ்ட் 25ம் தேதி முதல் இது அமலுக்கு வருகிறது.

சென்னையில் இன்று நடந்த சுதந்திர தின விழாவில் கலந்து கொண்டு உரையாற்றியபோது முதல்வர் மு.க.ஸ்டாலின் இதை அறிவித்தார்.

சென்னை கோட்டை கொத்தளத்தில் இன்று முதல்வர் மு.க.ஸ்டாலின் தேசியக் கொடியை ஏற்றி வைத்தார். பின்னர் அவர் சுதந்திர தின உரையை நிகழ்த்தினார். அப்போது அரசின் சாதனைகளை விவரித்துப் பேசினார்.

தனது பேச்சின்போது பல்வேறு முக்கிய அறிவிப்புகளையும் முதல்வர் ஸ்டாலின் வெளியிட்டார்.

முக்கியமாக, பெண்களுக்கான இலவச பஸ் பயணத் திட்டத்திற்கு, விடியல் பயணத் திட்டம் என்று பெயரிடப்பட்டிருப்பதாக முதல்வர் அறிவித்தார்.

அடுத்ததாக, காலை உணவுத் திட்டத்தை மாநிலம் முழுவதும் உள்ள ஆரம்பப் பள்ளிகளுக்கு விரிவுபடுத்துவதாக முதல்வர் அறிவித்தார். ஆகஸ்ட் 25ம் தேதி முதல் இது அமலுக்கு வரும் என்றும் முதல்வர் தெரிவித்தார்.

தற்போது காலை உணவுத் திட்டத்தின் கீழ் 13 வகையான உணவு வகைகள் மாணவ, மாணவியருக்கு வழங்கப்படுகிறது. அதன்படி மாணவர்களுக்கான உணவுப் பட்டியல்:

திங்கட்கிழமை- காய்கறி சாம்பாருடன் சாதம், உப்புமா அல்லது ரவா உப்புமா அல்லது சேமியா உப்புமா அல்லது கோதுமை உப்புமா.

செவ்வாய் கிழமை - ரவா கிச்சடி மற்றும் சாமை கிச்சடி, காய்கறி கிச்சடி மற்றும் காய்கறி சாம்பாருடன் வீட் ரவா கிச்சடி.

புதன் கிழமை - ரவா/பொங்கல் பொங்கல் & காய்கறி சாம்பார்.

வியாழக்கிழமை - சாதம் & ரவா உப்புமா, உப்புமா & சாமை, உப்புமா & வீட் ரவா, உப்புமா & ரவா கேசரி, & சமய் கேசரி

வெள்ளிக்கிழமை- ரவா கிச்சடி, சமய் கிச்சடி, மற்றும் காய்கறி கிச்சடி, ரவா கேசரி மற்றும் சமய் கேசரி.

கோட்டைக் கொத்தளத்தில் முதல்வராக, 3வது முறையாக கொடி ஏற்றி வைத்து உரையாற்றியுள்ளார் மு.க.ஸ்டாலின் என்பது குறிப்பிடத்தக்கது.

சமீபத்திய செய்திகள்

கே.என்.நேரு மனு தள்ளுபடி: வழக்குப்பதிவு செய்யத் தடை இல்லை - சென்னை உயர்நீதிமன்றம் உத்தரவு!

Kodaikanal Rains: கொடைக்கானலில் கொட்டித்தீர்க்கும் கனமழை- பழனி வழிப்போக்குவரத்து முடக்கம்!

வங்கக்கடலில் உருவானது 'அர்னாப்' புயல்: தீவிர புயலாக வலுவடைய வாய்ப்பு

தென்தமிழ் தலையங்கம்: மக்கள் பணத்தில் விளைந்த திட்டங்கள் - கட்சிகள் உரிமை கொண்டாடுவது நியாயமா?

அகரத்தில் தொடங்கும் உலகம் - திருக்குறள் சொல்லும் வாழ்க்கை (பகுதி 1)

147C - தூக்கத்தை விரட்டியடிக்கும் குபீர் சிரிப்பு நகைச்சுவைக் கதை!

கொங்கு நாட்டு கச்சாயம்: செஞ்சு சாப்பிட்டுப் பாருங் - ஜம்முன்னு ருசிக்குமுங்க!

விதைத்த கனவுகள் ஒருநாள் மலரும் - ரம்யாவின் கவிதைத் தோட்டம் (8)

"தர்ப்ப சயனராமர்" என ராமர் அழைக்கப்படுவது ஏன்? - சென்னை to ராமேஸ்வரம் - ஆன்மீகப் பயணம் (3)

காலை உணவுத் திட்டம்.. ஆகஸ்ட் 25ம் தேதி முதல் மாநிலம் முழுவதும் விரிவாக்கம்

Comments

சமீபத்திய செய்திகள்

அதிகம் பார்க்கும் செய்திகள்