என் தனிமையின் பேரழகு
- கவிதா அறிவழகன்
மானிடரைத் திருத்த
இவ்வுலகில் நான்
பிறக்கவில்லை;
விலகிச் செல்லவும்
மனமில்லை.
நான் எனக்கான
பாடத்தைக் கற்றுக்கொண்டதால்
நகர்ந்து கொண்டேன்.
மௌனமாய் பேசும்
இளவேனிற் காற்றும்,
சங்கீதமாய் ஒலிக்கும்
சோலைக்குயிலின் பாட்டும்,
பொழியும் மழையின்
நடனக் கூத்தும்,
என் காயங்களுக்கு
மருந்தாக வித்திட்டன.
அந்தி சாயும்
அந்த விண்வெளியும்,
அலையடிக்கும்
ஆழ்கடலின் அமைதியும்,
மானிடர் தராத
பேரன்பையும்
மனஅமைதியையும்
எனக்குள்
விதைத்துக் கொண்டே இருக்கும்.
மனம் மாறும்
மனிதர்களைவிட,
மாறாத வானத்தின்
விசாலமும்,
கடல் சொல்லும்
கவிதையும்,
என்னை
அழகுபடுத்துகின்றன.
வீண் விவாதங்களில்
பேதங்கள் உருவாவதைவிட,
சூரியனைப் போன்று
கம்பீரமாய் நிற்பதும்,
திருப்தியடையாத
மனிதர்களைவிட,
நட்சத்திரங்களின் நடுவே
நானும் ஒரு
நட்சத்திரமாய் இருப்பதும்,
மனதிற்கு
ஆறுதலாக இருக்கிறது.
கோடிகளாய் மனிதர்கள்
கூடி வாழும்
இந்த உலகினில்,
தனிமையின் பெருவெளியில்,
இயற்கையின் மடியில்,
எனக்கான
பேரமைதியை
நான் கண்டுகொண்டேன்.
சுயமரியாதையின் மடியை...
தாயின் மடியை...
தலை சாய்த்து,
நிம்மதியாய்
உறங்குவேன்!
(Kavitha Arivalagan, Creative writers, Dharmapuri)
சமீபத்திய செய்திகள்
Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்
தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!
ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!
எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!
சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!
2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!
அதிரடியாக உயர்ந்த தங்கம் விலை: சவரன் ரூ.1,04,800-ஐ தொட்டது! அதிர்ச்சியில் மக்கள்
டாஸ்மாக் கடைகளில் காலி பாட்டில்களை ஒப்படைத்தால் வங்கிக் கணக்கில் ரூ.10 வரவு
அமெரிக்க நாடாளுமன்றத்தின் செனட் மற்றும் பிரதிநிதிகள் சபையை கைப்பற்றியது ஜனநாயக கட்சி!
{{comments.comment}}