நடிகர் ஜூனியர் பாலையா காலமானார்
சென்னை: பழம்பெரும் நடிகர் ஜூனியர் பாலையா எனப்படும் ரகு பாலையா காலமானார்.
மூத்த முதுபெரும் நடிகர் டி.எஸ். பாலையாவின் 3வது மகன்தான் ஜூனியர் பாலையா எனப்படும் ரகு பாலையா. தனது தந்தை வழியிலும் தானும் நடிகராக வலம் வந்தவர். காமெடியா கதாபாத்திரங்களில் பெரும்பாலும் நடித்திருப்பார். சில படங்களில் குணச்சித்திர வேடங்களிலும் நடித்துள்ளார்.
மேல்நாட்டு மருமகள் படம்தான் இவரது முதல் படமாகும். அதிலிருந்து தொடங்கிய இவரது திரை வாழ்க்கையில், கரகாட்டக்காரன், கோபுர வாசலிலே உள்ளிட்ட பல படங்கள் முக்கியமானதாக அமைந்தது. சில முக்கியமான டிவி தொடர்களிலும் கூட இவர் நடித்துள்ளார். சிறு சிறு வேடங்களில் வந்தாலும் கூட தனது பாணி நடிப்பால் முத்திரை பதித்தவர் ஜூனியர் பாலையா.
குறிப்பாக பாக்யராஜ் இயக்கத்தில் வெளியான விட்ல விசேஷங்க, சுந்தரகாண்டம் படங்களில் இவரது கேரக்டர் வெகுவாக பேசப்பட்டது. கடைசியாக ஜூனியர் பாலையா நடித்த படம் என்னங்க சார் உங்க சட்டம் தான். அதன் பிறகு நடிக்கவில்லை. தனது கெரியர் முழுவதும் துணைக் கதாபாத்திரங்களில்தான் நடித்துள்ளார் ஜூனியர் பாலையா. தனது தந்தையைப் போலவே பெரிய அளவில் வருவார் என்று எதிர்பார்க்கப்பட்டாலும் கூட அது நடக்காமல் போய் விட்டது. ஜூனியர் பாலையா போலவே அவரது மகன் ரோஹித் பாலையாவும் நடிகராக உருவாகியுள்ளார்.
பாலையாவின் உடல் சென்னை ஆழ்வார்திருநகர், ராமகிருஷ்ணா நகர், வாஞ்சிநாதன் தெருவில் உள்ள அவரது வீட்டில் அஞ்சலிக்காக வைக்கப்பட்டுள்ளது. பொதுமக்கள், திரையுலகினர் அஞ்சலிக்குப் பிறகு இறுதிச் சடங்குகள் இன்று மாலை நடைபெறும் என்று எதிர்பார்க்கப்படுகிறது.
சமீபத்திய செய்திகள்
அகமதாபாத் விமான விபத்து.. குடியரசுத் தலைவர், பிரதமர் மோடி, முதல்வர் மு.க.ஸ்டாலின் இரங்கல்!
அகமதாபாத்தில் விமான விபத்து...133 பேர் பலி... பயணிகளில் 169 பேர் இந்தியர்கள்.. ஏர் இந்தியா தகவல்!
அகமதாபாத்தில் விமான விபத்து... விடுதியில் சாப்பிட்டு கொண்டிருந்த மருத்துவ மாணவர்கள் 5 பேர் பலி?
ராஜ்யசபா எம்.பி ஆனார் ம.நீ.ம தலைவர் கமல்ஹாசன்.. அதிமுக, திமுக வேட்பாளர்களும் வெற்றி!
அகமதாபாத்தில் பரபரப்பு.. ஏர்இந்தியா விமானம் விழுந்து நொறுங்கியது.. 200 பயணிகளின் நிலை என்ன?
காவல்துறை தரம்தாழ்ந்துவிட்டது... இதுதான் திராவிட மாடல் திமுக அரசு தமிழை வளர்க்கும் முறையா?: சீமான்!
6 மாவட்டங்களில் இன்று கனமழைக்கு வாய்ப்பு… 2 நாட்களுக்கு ரெட் அலர்ட்... வானிலை ஆய்வு மையம்
என்னை குலசாமி என சொல்லிக்கொண்டே நெஞ்சில் குத்துகிறார்கள்: டாக்டர் ராமதாஸ் வேதனை பேச்சு!
Vijay Rupani: விமான விபத்தில் சிக்கிய.. முன்னாள் குஜராத் முதல்வர் விஜய் ரூபானி மரணம்!
{{comments.comment}}