தமிழகம் முழுவதிலும் 1000 முதல்வர் மருந்தகம் இன்று திறப்பு!

Feb 24, 2025,03:38 PM IST

தமிழகம் முழுவதும் 1000 இடங்களில் அமைக்கப்பட்டுள்ள முதல்வர் மருந்தகங்களை முதலமைச்சர் மு.க.ஸ்டாலின் இன்று திறந்து வைத்துள்ளார். இதில் சென்னையில் மட்டும் 39 இடங்களில் முதல்வர் மருந்தகம் திறந்து வைக்கப்பட்டுள்ளது. இந்த மருந்தகங்களில் குறைந்த விலையில் மருந்து மாத்திரைகள் கிடைக்கும் என்று தெரிவிக்கப்பட்டுள்ளது.

1 / 4
Share

Image Courtesy: X

இது குறித்து துணை முதல்வர் உதயநிதி ஸ்டாலின் தனது எக்ஸ் தள பக்கத்தில் பதிவு ஒன்றை வெளியிட்டுள்ளார். அதில்,‘எல்லோருக்கும் எல்லாம்’ எனும் தத்துவத்திற்கு செயல்வடிவம் கொடுக்கின்ற அரசாக, மாண்புமிகு முதலமைச்சர் மு.க.ஸ்டாலின் அவர்கள் தலைமையிலான திராவிட மாடல் அரசு திகழ்ந்து வருகிறது என்பதற்கு மேலும் ஒரு சான்று “முதல்வர் மருந்தகம்”.

2 / 4
Share

Image Courtesy: X

ஏழை - எளிய மக்களுக்கு தரமான மருந்து பொருட்கள் குறைந்த விலையில் கிடைப்பதை உறுதி செய்ய, நம் முதலமைச்சர் அவர்களின் உத்தரவின்பேரில் தமிழ்நாடெங்கும் 1000 முதல்வர் மருந்தகங்கள் இன்று திறக்கப்பட்டுள்ளன.

3 / 4
Share

Image Courtesy: X

முதல் மருந்தகத்தை சென்னை தியாகராய நகரில் நம் முதலமைச்சர் அவர்கள் திறந்து வைக்க, நம்முடைய ChepaukTriplicane தொகுதியில், சி.ஐ.டி காலனி பகுதியில் முதல்வர் மருந்தகத்தை நாம் இன்று திறந்து வைத்தோம்.

4 / 4
Share

Image Courtesy: X

மருத்துவ சேவையும் - மருந்து பொருட்களும் மலிவு விலையில் மக்களை சென்றடையும் வகையில் மேற்கொள்ளப்பட்டிருக்கும் இம்முயற்சி வெல்லட்டும். பொதுமக்கள் முதல்வர் மருந்தகங்களை பயன்படுத்தி நோயற்ற வாழ்வை அமைத்துக்கொள்ள வாழ்த்துகிறோம் என்று தெரிவித்துள்ளார்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்