கொண்டைமுடி அலங்கரித்து.. கொஞ்சும் கிளி கையில் வைத்து.. அஞ்சுக மொழி உமையாள்!

May 07, 2025,04:48 PM IST

மதுரையின் அன்னை, மாணிக்க மூக்குத்தி மதுரை மீனாட்சி அம்மனுக்கு நாளை திருக்கல்யாணம் கோலாகலமாக நடைபெறவுள்ளது. இதையொட்டி மதுரை முழுவதும் விழாக்கோலம் பூண்டு காணப்படுகிறது.

1 / 5
Share

Image Courtesy: Meenakshi

மதுரையில் நடைபெறும் மிக முக்கியமான திருவிழா சித்திரைத் திருவிழா. மதுரை மீனாட்சி அம்மன் திருவிழாவும், அழகர்கோவில் சித்திரைத் திருவிழாவும் இணைத்து பெரு விழாவாக மதுரையில் நடைபெறும்.

2 / 5
Share

Image Courtesy: Meenakshi

சைவ மற்றும் வைணவ மதங்களின் இரு பெரும் இணைப்பாக இந்த சித்திரைப் பெருவிழா கொண்டாடப்படுகிறது. நாட்டில் வேறு எங்குமே இப்படி ஒரு மத நல்லிணக்க விழாவைக் காண முடியாது.

3 / 5
Share

Image Courtesy: Meenakshi

மதுரை சித்திரைத் திருவிழாவின் முக்கிய நிகழ்வுகளில் ஒன்றான மீனாட்சி - சொக்கநாதர் திருக்கல்யாணம் நாளை நடைபெறவுள்ளது. லட்சக்கணக்கான மக்கள் இந்த விழாவில் கலந்து கொள்வார்கள். கோவிலுக்குள்ளும், கோவிலுக்கு வெளியிலும் மக்கள் அலை கடலென திரண்டிருந்து மீனாட்சித் தாயின் திருமணத்தை கண்டு மகிழ்வார்கள்.

4 / 5
Share

Image Courtesy: TN HRCE

மீனாட்சி அம்மன் கழுத்தில் தாலி ஏறும் அதே நேரத்தில் கோவில் வளாகத்திலும், கோவிலுக்கு வெளியிலும் திரண்டிருக்கும் பெண்களும் புதுத் தாலிக் கயிற்றையும், தாலிச் சங்கிலியையும் அணிந்து அம்மனுடன் சேர்ந்து அந்த பாக்கியத்தைப் பெறுவார்கள்.

5 / 5
Share

Image Courtesy: TN HRCE

மதுரையின் அரசியாக நேற்று பட்டாபிஷேகம் நடந்து முடிந்த நிலையில் நாளை திருக்கல்யாணம் நடைபெறவுள்ளது. இதைத் தொடர்ந்து 9ம் தேதி காலை தேரோட்டம் நடைபெறும். அதைத் தொடர்ந்து சித்திரைத் திருவிழாவின் முக்கிய அம்சங்களில் ஒன்றான கள்ளழகர் ஆற்றில் இறங்கும் வைபவம் மே 12ம் தேதி காலையில் நடைபெறவுள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்