திருப்பதி வைகுண்ட ஏகாதசி 2025.. தங்க ரதத்தில் உலா வந்த மலையப்ப சாமி

Jan 10, 2025,04:04 PM IST

வைகுண்ட ஏகாதசியை முன்னிட்டு திருமலை திருப்பதி ஏழுமலையான் கோவிலில் தங்க ரத ஊர்வலம் நடைபெற்றது. திருப்பதி ஏழுமலையான் கோவிலில் 2025ம் ஆண்டிற்கான வைகுண்ட ஏகாதசி விழா ஜனவரி 10ம் தேதி துவங்கி, 19ம் தேதி வரை நடக்கிறது. இந்த 10 நாட்களும் வைகுண்ட துவாரம் வழியாக சென்று சாமி தரிசனம் செய்வதற்கு பக்தர்கள் அனுமதிக்கப்படுவார்கள்.

1 / 3
Share

Image Courtesy: Tirumala.org

வைகுண்ட ஏகாதசியை முன்னிட்டு ஜனவரி 10ம் தேதியான இன்று காலை தங்க ரத ஊர்வலம் நடைபெற்றது. உற்சவர் மலையப்ப சுவாமி ஸ்ரீதேவி, பூதேவி தாயார்களுடன் மாட வீதிகளில் எழுந்தருளி பக்தர்களுக்கு அருள்பாலித்தார்.

2 / 3
Share

Image Courtesy: Tirumala.org

ஆயிரக்கணக்கான பக்தர்கள் கோவிந்தா கோஷம் முழங்க ரதத்தை வடம் பிடித்து இழுத்தனர். மாட வீதிகளில் கூடி இருந்த பக்தர்கள் பெருமாளை கண்டதும், எழுப்பிய கோவிந்தா கோஷம் விண்ணை அதிர வைக்கும் வகையில் இருந்தது.

3 / 3
Share

Image Courtesy: Tirumala.org

தங்க ரத ஊர்வலத்தில் திருமலை திருப்பதி தேவஸ்தான கூடுதல் இஓ வெங்கைய்ய செளத்ரி உள்ளிட்ட நிர்வாகக் குழு உறுப்பினர்கள் பலரும் கலந்த கொண்டனர். இன்று முதல் தொடர்ந்து 10 நாட்களுக்கு வைகுண்ட வாசல் திறந்திருக்கும் என்றால் வைகுண்ட ஏகாதசி அன்றே ஏழுமலையானை தரிசனம் செய்து விட வேண்டும் என லட்சக்கணக்கான பக்தர்கள் திருமலையில் கூடி உள்ளனர்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்