நீட் தேர்வு.. சிறுமியின் கைக்கடிகாரம்.. பால்காரி.. கலையின் 3 கவிதைகள்!

Dec 27, 2025,10:26 AM IST

- தமிழ்மாமணி இரா.கலைச்செல்வி


1. நீட் தேர்வு


நீட்  தேர்வில் தோல்வி.!!

தற்கொலைக்குத் துணிந்தவள் !

போராடி வாழ ஏன் துணியவில்லை.?

மருத்துவர் ஆக  அளவற்ற‌ ஆசை!

மாண்டு போனால்..?

இது வரை  நீ ,

மாங்கு மாங்கு என, 

கற்ற கல்வி,

உழைத்த உழைப்பு, 

இது வரை 

உன்னை வளர்க்க,

உன் அன்னை பட்ட பாடு .

அதற்கு நீ தரும் பரிசு இதுவா..?

மனிதனுக்கு நல் மருத்துவராக ,

வாழ முடியவில்லை எனில் ,

மனிதனுக்கு நல் மனிதனாக 

வாழ்ந்து பார்...




2. சிறுமியின் கைக்கடிகாரம்


கைக்கடிகாரத்தை 

சிறிது சிறிதாய் 

பிய்த்து தின்கிறாள்

பள்ளிக்கூட சிறுமி.

பள்ளி  இடைவேளை முடிந்து, 

மணி அடித்ததும், 

அப்படியே விழுங்கி விட்டாள் 

கடிகாரத்தை. 

ஜவ்வு மிட்டாய் கடிகாரத்தை 

ஜாலியாய் சுவைத்துக் கொண்டே ..

வகுப்பிற்குள் நுழைகிறாள்  

அந்த கிராமத்து சிறுமி.


3. பால்காரி


தன் வீட்டு மாடு

கன்று போட்டு விட்டது. 

அம்மாவிற்கு கொள்ளை மகிழ்ச்சி. 

சிறுமிக்குகோ வருத்தம்.

தெரு முழுவதும் பால் ஊற்றினால்

நல்ல வருமானம் வரும் அம்மாவிற்கு.

மளிகை சாமான் வாங்க ஆகும். 

தூக்கு வாளியை  எடுத்துக்கொண்டு

தெருத்தெருவாய் 

அலைய வேண்டும் சிறுமி.

பால் ஊற்றி திரும்பும்போது

தெருவில் அனைவரும் 

சுடச்சுட காபியை 

சுவைத்துக் கொண்டிருந்தார்கள்.

அவர்களை  பார்த்து ஏங்கியபடி,

வீட்டுக்கு வந்த

சிறுமிக்கு கிடைத்தது

பழங் கஞ்சி.


(எழுத்தாளர் பற்றி ... சிவகங்கையைச் சேர்ந்த  எழுத்தாளர் இரா.  கலைச்செல்வி, தமிழ்நாடு அரசின் தலைமை செயலகத்தில் பல்வேறு துறைகளில் பணியாற்றி ஓய்வு பெற்ற உயர் அரசு அதிகாரி ஆவார் . அவரின் கணவர் மத்திய அரசில் பணியாற்றி ஓய்வு பெற்ற தலைமை விஞ்ஞானி. எழுத்தின் மீதும் , வாசிப்பின் மீதும், தீராக்  காதல் கொண்ட அவர்,  நீண்ட  காலமாக  எழுதி வருகிறார். அகில இந்திய வானொலியில் இவரது பல கதைகள் ஒளிபரப்பாகி உள்ளன. கதைகளைத் தவிர,  கவிதைகளும், ஆய்வு கட்டுரைகளையும் அதிகம் எழுதி வரும் இவர் உளவியலில் முதுகலை பட்டமும் பெற்றவர் . சாதனைப் பெண், தமிழ் மாமணி, தங்கத்தாரகை,  சேவா ரத்னா , கவிஞாயிறு,  கவியருவி, கவிச்செம்மல்,  உழைப்பாளர் திலகம், மகாகவி, செம்மொழி கலைஞர் விருது ‌ போன்ற 15 ‌க்கும் மேற்பட்ட  விருதுகளையும் அவர்  பெற்றுள்ளார்.)

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

தங்கத்தில் கலப்படம் செய்தால் கடும் நடவடிக்கை: இந்திய தர நிர்ணய ஆணையம் (BIS) அதிரடி எச்சரிக்கை!

news

கொளத்தூர் தொகுதியில் மீண்டும் மு.க.ஸ்டாலின் போட்டி? – திமுக எம்.பி., சொன்ன தகவல்

news

தங்கம் விலை வீழ்ச்சி... வாங்குவோருக்கு மகிழ்ச்சி; அடகு வைப்போருக்கு அதிர்ச்சி!

news

நானும் உன்னைப் போலவே....!

news

காணாமல் போன இன்னொரு குழந்தை யார்?.. அவள் யாரென்று தெரியுமா? (4)

news

மக்களே உஷார்...வெங்காயத்தை தொடர்ந்து தக்காளி விலையும் கிடுகிடுவென உயர்கிறது

news

எருக்கஞ்செடி.. ஆன்மீகம் மட்டுமல்ல.. பாரம்பரிய மருத்துவத்திலும் முக்கியமானது!

news

சபரிமலை பக்தர்களுக்கு ரூ.2 லட்சம் ஆயுள் காப்பீடு: எல்.ஐ.சி உடன் தேவஸ்வம் போர்டு ஒப்பந்தம்!

news

துளசிதேவிக்கும் சாளக்கிரமத்திற்கும் நடத்தப்படும் துளசி கல்யாணம்!

அதிகம் பார்க்கும் செய்திகள்