துளிர்க்கும் பொழுதில் துளிகள்

Su.tha Arivalagan

Oct 22, 2026,01:28 PM IST

- வெங்கடேஷ்

வானத்தில் உள்ளம் முகில் சரடாய்

மலைத்தொடர் முன்

படர்ந்து செல்ல

உயிரில் உரையும் அனலை எழுப்ப வந்த

விசும்பிள் புனல் புவியை நனைக்க

கருவறையில் திரைக்குப்பின் அலங்கரிக்கப்படும்

கடவுள் போல

மழைமுகில் பின் ஒளிபரப்பும் ஆதவன்

சாரலில் இருந்து

சாலைக்கு குடை பிடிக்கும்

சாலையோர மரங்கள்

காணாமல் ஆன குளத்தின் காணலாய்

சாலை பள்ளத்தை நிறைத்த

மழைநீர்

பொழிந்தாலும் பொழியச் செய்தாலும்

தூறினாலும் தூற்றலை பரிசாகப் பெற்றுச் செல்லும்

மழை

நீரை சுழிக்க வைக்க

கல் எறிந்து விளையாடும் குழந்தை போல்

நீரில் விளையாடும்

தூறல்!

(கவிஞர் அ வெங்கடேஷ், திண்டுக்கல் மாவட்டம் புளியம்பட்டி, அரசு மேல்நிலைப் பள்ளியில் ஆங்கில ஆசிரியராகப் பணியாற்றுகிறார். இருள் என்பது குறைந்த ஒளியே என்ற நூலின் ஆசிரியர்)